Mayando con Sidraturismo Asturias
La cultura sidrera asturiana vuelve a ser protagonista este otoño Llega una nueva edición de Mayando con Sidraturismo Asturias, el evento que rinde homenaje a nuestras raíces sidreras en plena […]
Paraísu natural sidreru: onde la tradición conquistó al mundu
Adiéntrate na cultura sidrera asturiana, reconocida como Patrimoniu Cultural Inmaterial de la Humanidá, de la mano del Club de Producto Sidraturismo Asturias. Gracies a él, vas poder disfrutar d’esperiencies auténtiques que te van averar a les nuestres tradiciones, grastronomía y paisaxes. Nun pierdas la oportunidá de vivir un viaxe únicu al corazón sidreru d’Asturies.
Xixón, alma sidrera:
Ye la xoya costera d’Asturies, una ciudá enérxica onde historia, cultura y espíritu marineru se mezclen con un ambiente folixeru los 365 díes del añu. La so esencia sidrera, presente en cais, llagares y sidreríes, conviértela nel mayor puntu sidreru del mundu no que cinca a la sidra natural. Como villa marinera que ye, Xixón reflexa tradición, unidá y allegría en cada requexu.
Nava, corazón sidreru:
Consideráu la capital sidrera asturiana, Nava ye un conceyu onde la tradición y el carácter sidreru tienen munchu raigañu na so xente y nos sos vezos. Caracterízase polos sos pueblos con encantu, por tar nun entornu natural privilexáu y pol so legáu históricu de tiempos medievales. La so identidá sidrera refléxase nos llagares, na gastronomía y na cultura, lo que fai d’esti conceyu un referente indiscutible de la sidra natural asturiano.
Uviéu, cuna d’historia:
Capital asturiana y orixe del Camín de Santiago Primitivu, Uviéu ye una ciudá onde l’arte prerrománicu, los monumentos y tolos requexos reflexen una historia viva. El so pasáu como primer capital d’un reinu cristianu na península ibérica define una identidá cultural y monumental que, al amestase cola tradición sidrera, tan presente nel día a día, refuerza la esencia folixera de la ciudá.
Villaviciosa, esencia de mazana y sidra:
Villa de Maliayo, capital mazanera d’España. Tierra fértil onde historia, naturaleza y cultura entrellácense en tolos requexos. Les sos pumaraes, cola mayor extensión d’Asturies, definen el paisaxe sidreru auténticu. Un referente únicu, nel que la sidra y les sos tradiciones siguen vives nes cais y na xente.
Nun te pierdas los nuestros eventos y actividaes. La nuestra axenda ta llena d’oportunidaes pa vivir la cultura de la sidra d’una manera activa y prestosa. Consulta equí les feches y nun dexes escapar la ocasión.
La cultura sidrera asturiana vuelve a ser protagonista este otoño Llega una nueva edición de Mayando con Sidraturismo Asturias, el evento que rinde homenaje a nuestras raíces sidreras en plena […]